Челси го обезбеди потписот на голем талент на Спортинг

Раководството на Челси среде сезона успеа да обезбеди големо засилување за екипата на долгорочен план, а се работи за актуелниот член на Спортинг Лисабон, Џеовани Куенда.

Крилниот напаѓач кој се сметаше за потенцијално засилување за Манчестер Јунајтед поради добрата соработка со доскорешниот тренер Рубен Аморим, се согласил на трансфер во Премиер лигата, но ќе игра во Лондон.

Се работи за играч кој има само 17 години, но веќе докажа дека поседува голем талент и сезонава веќе има одиграно 43 натпревари во дресот на португалскиот прволигаш.

Португалскиот У-21 репрезентативец нема да се пресели во Челси пред 2026 година, но премиерлигашот сакал уште отсега да го обезбеди неговиот потпис, луксуз платен со 40 милиони фунти.

Најавите се дека Куенда ќе потпише седумгодишен договор со Челси.