Чеферин му одговори на Клоп: Сигурно нема да делам билети по пријатели

Претседателот на УЕФА, Александар Чеферин, мораше да ги објаснува принципите за распределба на билети за финалето на Лигата на шампионите, а откако федерацијата доби јавни критики од Јирген Клоп.

Менаџерот на финалистот на Ливерпул јавно праша како е можно двата клуба да добијат по 20.000 билети, а капацитетот на стадионот во Париз е 75.000 билети.

– Му го објаснив ова на еден од двата тренера пред неколку дена, па еве може да го повторам и сега.

– Од приходите од финалето, УЕФА добива само 6,5 проценти додека останатите пари одат кај клубовите, додека приходите од сите други натпревари целосно им се делат на клубовите.

– Ако спонзорите кои плаќаат стотици милиони евра добиваат одреден број билети, тоа е дел од договорот за соработка.

– УЕФА не добива повеќе билети од другите, дел од билетите се продаваат, дел завршуваат кај фановите и партнерите. Сигурно јас нема да ги делам по пријатели или да им ги продавам, – рекол Чеферин.