Чави потврди дека уште еден играч ќе остане во Барселона: Неговиот договор ни е приоритет

Иако изминативе неколку дена топ тема во медиумите во Шпанија е новиот договор на Усман Дембеле, кој веројатно нема да биде потпишан, во Барселона течат преговори за продолжување на соработката и со останатите играчи.

Стратегот на „каталонците“, Чави Ернандез потврди дека во овој момент приоритет на клубот е постигнување договор за продолжување на соработката со младиот дефанзивец Роналд Араухо.

Араухо игра одлично во последно време и Чави потврди дека нивна интенција е дефанзивецот да остане на „Камп Ноу“.

– Продолжувањето на договорот на Араухо е наш приоритет. Тој е неверојатен дефанзивец.

– За нас важно е да постигнеме договор затоа што тој е неопходен играч за сегашноста и со сигурност за иднината,- потенцираше Чави Ернандез.