Шпанија
Чави посочи нов приоритет на трансфер пазарот откако стана јасно дека Меси не се враќа во Барса
Чави Ернандес беше голем оптимист и најавуваше враќање на Лионел Меси во Барселона, но откако стана јасно дека тоа нема да се случи, плановите драстично се менуваат.
Тренерот на Барса веќе го замислуваше својот тим со Меси како лидер и сите планови се засноваа на таа варијанта, а сега истите ќе добијат нов тек и трансфер политиката оди во друг правец.
Во ексклузивното интервју со Хорхе Валдано, Чави сега потенцира дека клучно ќе биде да се донесат двајца играчи, односно да се пополнат позиции како дефанзивен играч за врска и организатор на играта.
– Сметам дека се уште ни недостасува нешто во средниот ред, особено по заминувањето на Серхио. Тоа што остануваме без Бускетс е голем проблем за мене. Френки направи исчекор оваа сезона, но потребен ми е и креативен играч за врска. Потребни ни се играчи со високо стандарди. Прва цел ни е дефанзивен играч за врска и замена за Пике, а потоа ќе тргнеме по организатор на играта. За останатото ќе видиме до каде ќе стигнеме со финансиската ситуација, – вели Чави, кој потенцира дека Барса мора да почне да атакува и на трофејот во Лигата на шампиони.
– Барселона не е создадена да се натпреварува во Лигата на Европа, ние сме создадени за Лигата на шампиони. Ако се засилиме добро ова лето, ќе се бориме за тој трофеј. Лигата на Европа не буди страст кај навивачите, ниту кај играчите. На играчите веќе им порачав дека веќе не смееме да го играме тоа натпреварување. Мора да направиме исчекор и да бидеме конкурентни во Лигата на шампиони, – потенцира Чави.
-
Италијапред 16 часа
Капело ги критикуваше клучните играчи на Милан и испрати совет до управата на клубот
-
Англијапред 20 часа
Артета му испрати порака на Покетино по историската победа над Челси
-
Англијапред 17 часа
Роси има интересен предлог за тренер на Јунајтед: Тој е легенда и помогна да се изгради нивната култура
-
Англијапред 24 часа
Покетино по историскиот потоп од Арсенал: Не е фер да се употреби тој термин за моите играчи
-
Германијапред 18 часа
Баерн преговара со искусно тренерско име: Тие ме контактираа…
-
АТПпред 23 часа
Надал: Рафа има шанса на Ролан Гарос само ако се повредат Ѓоковиќ, Алкарас и Синер
-
НБАпред 22 часа
Дончиќ ги уништи Клиперси со својата најслаба точка, па ги „поздрави“ хејтерите (Видео)
-
Шпанијапред 14 часа
Чави имаше состанок со Лапорта, донесена е одлука за неговата иднина во Барселона