Чави бара нов договор за капитенот: Треба да остане уште една година

Барселона утре ја очекува уште еден домашен предвизвик, меч со Севилја на „Камп Ноу“, меч на кој желбата и амбиците е да се дојде до победа и нови три бода со кои би се задржална предноста во однос на најголемиот конкурент за пехарот во Примера-Реал Мадрид.

Меѓутоа денешниот прес на тренерот Чави Ернандез воедно беше искористен и да се испрати една јасна порака, барање кога е во прашање иднината на капитенот Серхио Бускетс. Бускетс е во последните месеци од договорот и има понуди за продолжување на кариерата во МЛС лигата, Саудиска Арабија, но Чави се надева дека искусниот играч за врска ќе остане во сегашната средина најмалку уште една година.

-Одлуката ќе биде негова. Ние чекаме. Тој е многу важна личност за клубот, на теренот и надвор од него. Тој е капитен. Го заслужи правото сам да одлучи за својата иднина. Би бил воодушевен ако тој остане уште една година, -порача јасно и директно предводникот на лидерот во Ла Лига.