Час по тенис: Алкарас покажа рефлекс на мачка и фуриозно се пласираше во четвртфиналето (Видео)

Карлос Алкарас на фуриозен начин се пласираше во четвртфиналето на турнирот во Пекинг, целосно надигрувајќи го Талон Грикспор од Холандија.

Шпанскиот тенисер беше нависитна немилосрден денеска и играше на неверојатно високо ниво, за што говори и резултатот, но и фактот што не загуби ниту еден поен на прв сервис.

Алакарас му одржа тениски час на противникот и за 56 минути го збриша од теренот, па победата од 6:1 и 6:2 му носи и специјално место на една вечна листа.

Карлос стана вториот тенисер во историјата кој најбрзо стигнал до 200 победи на АТП турот, надминувајќи го Рафаел Надал.

Во оваа категорија се вбројуваат тенисери кои биле светски рекет број еден, а прв на вечната листа е легендарниот Џон Мекинро.

Следен ривал на Алкарас на турнирот во Кина ќе биде Карен Хачанов.

Cat-like reflexes from Carlitos 🐈‍⬛@carlosalcaraz #ChinaOpen pic.twitter.com/ij6nUPU9FE

— Tennis TV (@TennisTV) September 29, 2024