Чалханоглу промаши пенал, дербито во Милано без победник (ВИДЕО)

Интер и Наполи ги поделија бодовите (1-1) во дерби натпреварот од 12. коло во Серија А, натпревар со кој беше заокружена оваа рунда во шампионатот.

Двете екипи сакаа добар резултат на ова соочување, ама на крајот мораа да се задоволат со реми од 1-1, резултат кој го остава Наполи на лидерската позиција во калчото, додека пак Интер дел од групата од четири екипи кои имаат по 25 поени.

Првиот дел донесе два погодоци, Мектоминеј во 23 минута донесе радост за гостите, одговорот стигна преку Чалханоглу во 43 минута.

Најважниот момент во второто полувреме пак се случи во 74 минута кога беше досуден пенал за домаќините, но Хакан не успеа да го матира Мерет.

ТУКА можете да ги погледнете најзначајните моменти од соочувањето на „Џузепе Меаца“.