Чалханоглу: Повредата беше загрижувачка, ова беше…

Интер го совлада РБ Лајпциг и со тоа ја продолжи одличната серија на резултати во Лигата на шампионите.

Ова за актуелниот италијански првак беше четврти триумф во низа, а трет со идентичен резултат без примен гол, поточно со 1-0.

-Среќни сме, за нас е уште еден одличен резултат да останеме на врвот. Можеби требаше да постигнеме повеќе голови со оглед на сето она што го создадовме, но на крајот на денот како против Арсенал, ја задржавме линијата и докажавме дека добро ни оди и во одбраната, -истакна Хакан Чалханоглу.

-Создадовме многу шанси во првото полувреме, но Лајпциг е силен тим со висок пресинг и ни направија повеќе проблеми по одморот, но резултатот беше тој што беше важен, -додаде Турчинот кој се врати во почетната постава на „нероаѕурите“ по повредата која ја заработи настапувајќи за својата репрезентација.

-Бев среќен што се вратив, бидејќи две повреди на иста нога беше загрижувачки. Се надевам дека ќе продолжам да играм сега без болка. Мораме секогаш да бидеме подготвени и вака да продолжиме,  -порача Хакан за „Интер ТВ“.