Чалханоглу: Интер не се исплаши од Сити, докажавме…

Интер оствари позитивен резултат против Манчестер Сити и тоа на „Итихад“, место на кое ретко кој клуб успева да остане непоразен и во исто време да остави добар впечаток.

Калчолигашот се избори за реми без погодоци и тоа уште еднаш потврди дека знае да биде незгоден за премиерлигашот кој не се изнаигра и во финалето во 2023 година, финале во кое важеше за фаворит исто како и на вчерашниот натпревар.

Во таборот на „нероаѕурите“ се задоволни од прикажаното во Манчестер и смеаат дека покажале дека се рамноправни со англискиот првак

-Одигравме добар натпревар против силен тим. Пробавме сè, имавме шанси за гол, многу шанси, двата тима покажаа добар фудбал. Бевме солидни и среќни сме со ремито.

-Во овие натпревари треба да бидете целосно сконцентрирани 90 минути. Создадовме шанси, можевме да постигнеме гол, ама тоа не го направме, но истото важи и за нив. Мислам дека еден бод е добар за двете екипи. Уживавме против многу силен тим и можевме да победиме, но со вистинската храброст и дух на пожртвуваност, докажавме дека можеме да се бориме против секого, -рече Хакан Чалханоглу и додаде:

-Сакавме да покажеме дека не се плашиме да играме овде. Играме фудбал како што играат тие, со пожртвуваност покажавме дека и ние можеме да играме фудбал. Знаеме дека Манчестер Сити никогаш не губи овде дома и земавме бод со нас. Сакаме да продолжиме вака, докажувајќи кој е Интер, -подвлече Турчинот.