Чалханоглу им одговори на критичарите: Не сакам да звучам арогантно…

Фудбалерот на Интер и воедно репрезентативец на Турција, Хакан Чалханоглу испрати порака до оние кои го критикуваат во последно време.

Хакан секогаш бил самоуверен и знаел да биде јасен, директен, па сега откако се најде на списокот на номинирани играчи за „Златната топка“ му беше многу полесно да ги поздрави оние кои говорат негативно за него.

Крај на една ера: Меси и Роналдо не се во комбинација, ова се 30. играчи во трката за „Златната топка“ (ФОТО)

-Секогаш има критики на моја сметка, но не им обрнувам премногу внимание. Не сакам да звучам арогантно, но по 21 година турски играч се врати на листата на Златната топка. И јас сум горд на тоа, -порача Хакан кој во актуелнава кампања на три средби за Интер постигна еден погодок, додека играјќи за Турција остана без конкретен учинок во битките со Исланд и Велс во Лигата на нации.