Чаирчани го затвораат преодниот рок со стил: Шкупи се засили со повремен репрезентативец на Сенегал

Шкупи не размислува да отстапи од планот да биде главен фаворит за титулата во Првата македонската фудбалска лига, па покрај што го докажа тоа со настапите на теренот во првиот дел од сезоната, тоа го најавува и со активностите на трансфер пазарот.

Чаирчани донесоа одлични засилувања пред стартот на вториот дел од сезоната, а вечерва се пофалија и со ангажманот на повремениот репрезентативец на Сенегал.

Мамаду Данфа е младински репрезентативец на Сенегал кој има и повик за најсилната селекција на оваа земја, која пред една недела стигна до историски триумф на Африканскиот Куп на нации.

Станува збор за талентиран 20-годишен фудбалер кој игра во нападот, а кој потпиша двегодишен договор со клубот кој има голема традиција во Македонија.

– Во последните денови од јануарскиот преоден рок, нашиот клуб потпиша 2-годишен договор со напаѓачот Мамаду Данфа.
20-годишниот Данфа во нашиот тим доаѓа од редовите на украинската лига од тимот Колос Коваливка, – гласи објавата на Шкупи.