Чаир на чекор од осминафинале во Европскиот Куп

Ракометарките на Чаир го совладаа составот на Колехио Де Гаиа (29:25) и се многу блиску до пласман во осминафиналето во Европскиот Куп.

Македонскиот претставник севкупно покажа повеќе на средбата во Автокоманда и веќе утре во истиот термин има убава можност да обезбеди пласман во наредната фаза на ова европско натпреварување.

Првиот дел мина во израмнета игра и минимална предност за португалската екипа од 16:15. Во вториот дел избраничките на  Басри Љатифи беа на повисоко ниво, одиграа подобро пред се во одбраната и со тоа си го отворија патот до значајната победа пред утрешниот реванш на истото место.

Гулицоска имаше свое шоу со 13 погодоци, Жесус Гомез пак кај поразените имаше 8 реализации.