Чачиќ: Шкупи ќе ни биде потежок противник, Седлоски добро не познава

Екипата на Шкупи веќе знае со кого ќе се соочи ако ја мине првата пречка во Лигата на шампионите, а тоа е Линколн Ред Импс.

Ако македонскиот првак се справи со тимот од Гибралтар тогаш ќе излезе на мегдан со Динамо Загреб на македонските репрезентативци Аријан Адеми и Стефан Ристовски. Најдобриот хрватски клуб е задоволен од ждрепката со тоа што признава дека ќе му биде потешко да игра со Шкупи кој е предводен од Гоце Седлоски, човекот кој многу добро го позната тимот од „Максимир“.

-На секоја екипа ќе пристапиме подеднакво, без разлика против кого ќе играме. Ние, се разбира, нема да ги потцениме, но ќе се погрижиме да го доведеме тимот во оптимална кондиција до овие натпревари. Динамо е секако подобар, имаме подобра концентрација на играчи. Но, мораме да се фокусираме на себе, да направиме се за да ја надминеме првата пречка. Ниту еден противник не е лесен, но не смееме да го потцениме.

-Би рекол дека потежок противник би ни бил Шкупи, бидејќи би играле на жежок терен, а нивниот тренер Гоце Седлоски доста добро не познава. Но најважно е да се подготвиме доволно добро, без разлика со кого играме, -порача тренерот Анче Чачиќ.