Цел тим на Севилја тргна да го тепа Винисиус, Ракитиќ го спасуваше Бразилецот (Видео)

Дерби пресметките меѓу Севилја и Реал Мадрид секогаш носат голема тензија на теренот, но тоа особено е така кога зад андалузијците е енергичната публика на „Рамон Санчес Писхуан“.

Притисокот во самата завршница си го направи своето и дербито финишираше со голема тензија на теренот, а се чини дека ситуацијата драстично ескалираше во 85-та минута.

Винисиус Жуниор го турна голманот на Севилја во обидот да ја врати топката побрзо во игра, па оттаму тргна една мешаница која можеше да заврши и со физичка пресметка.

Речиси цел тим на Севилја тргна по Бразилецот и настана навистина голема збрка на теренот, во која Иван Ракитиќ се покажа како миротворец и спасител за ѕвездата на Реал.

Искусниот Хрват го бранеше Винисиус и го тргна од своите разлутени соиграчи, а тензијата се пренесе и на трибините од каде Бразилецот одново доби и расистички навреди.

Le han sacado amarilla a Vinicius por “empujar” a Nyland, un pavo de 1,90.

Que vergüenza de liga y de arbitraje, luego es Vini el que hace teatro.
pic.twitter.com/ZJQ502yqqg

— 𝐒𝐚𝐦𝐮 (@SamuuRM) October 21, 2023