Цел тим на Динамо Дрезден во карантин една недела пред продолжението на сезоната

На една недела до продолжението на сезоните во првата и втората Бундеслига, цел тим на Динамо Дрезден заминува во двонеделен карантин, потврдија од германскиот клуб.

Тестирањата во Динамо покажале дека има два позитивни случаи во првиот тим, па затоа според протоколот, целиот состав заминува во самоизолација. Сето тоа не би било толку невообичаено, ако Динамо не требаше да игра натпревар следниот викенд.

Сезоната во Германија продолжува на 16 мај, а Динамо Дрезден требаше да и се врати на сезоната со дуелот против Хановер.

– Факт е дека не можеме да тренираме или играме натпревари следните 14 дена. Изминативе недели направивме се што требаше во однос на мерките кои требаше да се преземат, а сега останува лигата да одлучи како ќе се реши ситуацијата, – велат од Динамо.