Цедевита Олимпија го возврати ударот и се избори за „мајсторка“ со Партизан (ВИДЕО)

Кошаркарите на Цедевита Олимпија изборија победа над Партизан од 95-83 во вториот натпревар од полуфиналната серија во АБА лигата.

Домашниот тим бодрен од своите навивачи во „Стожице“ дојде до триумф со кој израмни на 1-1 во оваа пресметка, поточно се избори за мајсторка која ќе се одигра во Белград. Ова беше дуел во кој Олимпија едноставно беше подобра од „црно-белите“, ги доби првите три четвртини и сосема заслужено остана во игра за финалето во кое Црвена Звезда веќе го чека противникот.

Ферел беше лидер со 21 поен, искусниот Драгиќ уфрли 12, додека двоцифрени беа уште Муриќ (10) и Омиќ.

На спротивната страна двоецот Пантер-Егзум искомбинира 40 кошеви, но вечерва комплетно потфрли Ледеј кој не даде ниту еден кош за 25 минути на паркетот.