Бутел се засили со лев бек и го комплетираше ростерот за престојната сезона

Екипата на Бутел го комплетираше составот за натпреварувачката 2024/2025 и тоа со ангажман на лев бек кој досега настапуваше за Голден Арт.

Се работи за Христијан Милошески кој воедно е и поранешен играч на Бутел. Тој ја започна кариерата во Филип Вардар од Прилеп, а потоа настапуваше и за Прилеп, Вардар Јуниор и Работнички.

-Ми претставува чест што повторно ќе бидам дел од тимот на Бутел и како играч ќе го вложам цел мој капацитет како и секогаш досега. Верувам дека нашата екипа, на чело со тренерот и управувачкиот тим, оваа сезона ќе постигне голем успех, -порача Милошески.

Скопскиот тим во овој преоден рок ги обезбеди уште потписите на Матеј Новаковски, Драган Шољиќ, Теодор Тодески и Тодор Узунчев, Леонид Киселовски, Мартин Петровски и Димитар Узунчев.