Бускетс призна која е негова омилена дестинација: Се уште не сум потпишал ништо

Серхио Буксетс и натаму игра многу важна улога во шпанската фудбалска репрезентација и тој е човекот кој ја носи капитенската лента, но 34-годишниот играч за врска се уште го нема решено својот клупски статус за наредната натпрварувачка сезона.

Шпанските медиуми веќе информираа дека Серхио не се гледа себеси во Барселона следната сезона и мали се шансите да потпише нов договор, бидејќи актуелниот му истекува на почетокот на летото во 2023-та година.

Иако е максимално насочен на случувањата на мундијалот, Бускетс не можеше да го избегне прашањето од новинарите поврзано за неговата иднина, при кое само потврди дека негова најатрактивна дестинација е МЛС лигата и Интер Мајами.

– Немам донесено одлука каде ќе играм наредната сезона. Веќе го кажав ова повеќе пати и почнувам да се повторувам. Знам дека оваа е мојата последна година од договорот со Барселона и доживеав многу нешта во клубот.

– Немам ништо потпишано, но до февруари сакам се да биде јасно и да имам донесено одлука. Со Интер Мајами ме поврзуваат откако се изгради оваа франшиза. Ми се допаѓа Америка, особено Мајами и сметам дека МЛС лигата станува атрактивна. Сепак, ништо не сум преговарал со никого, прв кој ќе дознае нешто за мојата иднина ќе биде клубот, – изјави Бускетс.