Бундеслигаш потврди дека се повлекува од „Икс“ поради Илон Маск

Германски прволигаш стана прв позначаен фудбалски клуб кој јавно потврди дека ја напушта социјалната мрежа „Икс“.

Вердер Бремен реши да се повлече од поранешниот „Твитер“ и се приклучи на голем број организации и познати личности кои го деактивираат својот профил и се префрлуваат на алтернативна мрежа.

– Откако Илон Маск ја презеде платформата, на говорот на омраза, омразата кон малцинствата, десничарските екстремистички објави и теориите на заговор им беше дозволено да се шират со неверојатно темпо, сето тоа под превезот на слободата на говорот.

– Радикализацијата на платформата е активно поттикната од Илон Маск и неговите лични објави, кои вклучуваат трансфобични и антисемитски коментари, како и ширење наративи за заговор.

– Во моментов ништо не се следи на платформата. Алгоритмите и одлучувањето на „Икс“ се целосно нетранспарентни процеси. Дополнително, Илон Маск ја користи социјалната мрежа како политичко оружје, како што се виде неодамна за време на изборите во САД, – изјавил извршниот директор Клаус Филбри.

Клубот објави соопштение и на „Икс“, отворено потврдувајќи се дека се префрлува на мрежата „Блускај“.

👋 https://t.co/SKDWMeUn67 pic.twitter.com/8MsZqaoFqL

— SV Werder Bremen EN (@werderbremen_en) November 18, 2024