Буфон за својот единствен порок: Тоа за мене е адреналин

Николо Фаџоли и Сандро Тонали заработија високи суспензиите од италијанската комисија поради неправилно обложување на фудбалски натпревари, па иако двајцата млади играчи ја научија лекцијата со забраната за играње во период од неколку месеци, оваа тема од тој момент е се позастапена на чизмата.

Италијанците сега користат специјални програми за едукација и се обидуваат да ги оттргнат младите фудбалери од непријатниот порок, кој всушност не е никаква новост меѓу спортските ѕвезди кои често знаат да се најдат во ситуација да бидат презаситени од многу пари.

Обложувањето и коцкањето често знае да донесе и депресија, а еден од оние кои успешно се справи со овие два проблеми во минатото е и легендарниот Џанлуиџи Буфон.

Во интервјуто за „Кориере дела Сера“, Џиџи после подолго време се огласи за неговата зависност од обложување, за која тој вели дека не е порок, туку средство за зголемување на адреналинот.

– Обложуваењто за некои луѓе е порок, за мене е само адреналин. Во едно сум сигурен, јас никогаш не сум направи ништо против законот. Всушност, никогаш не сум бил под истрага, ниту пак сум добил опомена. Се обложував на кошарка и на тенис, никогаш не се обложував на фудбал, – открива Буфон.