Буфон: Се прават штетни споредби за да го налутат Јувентус

Џанлуиџи Буфон има голема и важна мисија во националниот тим на Италија повеќе од една година, па затоа сега попретпазливо треба да ги бира зборовите кога дава изјави за клупскиот фудбал.

Популарниот Џиџи најпрво беше назначен за наследник на Џанлука Виали и беше поставен за тим менаџер во репрезентацијата, но од пред три месеци доби уште поголема одговорност, односно беше именуван за „референтен директор“.

Буфон ја има задачата да биде главен контакт и посредник на делењето информации меѓу репрезентацијата и клубовите и тренерите во Серија А, па токму поради тоа, не се наоѓа во ситуација да дава пристрасни изјави за својот сакан Јувентус.

Во последното обраќање за „Ла Стампа“, Џиџи доста не навлегуваше во одлуките кои ги носи новиот тренер Тиаго Мота, но затоа реши да се истапи со интересна изјава кога се во прашање споредбите кои се почесто се прават во јавноста.

– Престанете со споредбите меѓу Алегри и Мота, тоа ги надминува границите. Едниот тренер освои многу во кариерата, а Тиаго самошто стартува. Секој што прави такви споредби е носен од желбата да му наштети на Јувентус.

– Имам голема почит кон Тиаго и верувам дека е добро тоа што планира да го изгради. Кога се менуваат толку многу работи во краток период, потребно е малку повеќе време. Мота е педантен и добро подготвен тренер, сигурен сум дека е навикнат да работи на вакво ниво, – потенцира Буфон.