Буфон: Манџукиќ со години повторуваше само два збора во Јувентус

Џанлуиџи Буфон смени многу генерации на фудбалери во Јувентус за време на својата 17-годишна етапа во Торино, но како што вели самиот, еден од најомилените ликови на кои налетал во фудбалот е Марио Манџукиќ.

Хрватскиот напаѓач ја фати завршната етапа на Џиџи во италијанскиот великан и заедно освоија три титули во Серија А и играа во финале во Лигата на шампиони, но од споменатите три години, Буфон најмногу памти само два збора кои постојано ги повторувал Манџукиќ.

Марио го доби епитетот на „лошо момче“ во Торино поради тоа што речиси никогаш не можеше да се види насмеан, но популарлниот „лошко“ всушност беше еден од омилените во соблекувалната кај своите соиграчи.

– Марио Манџукиќ беше посебен. Првиот ден во Јувентус доби ормар во средината на соблекувалната и веднаш почна да мрмори.

– Секогаш го велеше истото „Не е добро, не е добро“…. Тоа беа единствените два збора кои ги кажуваше на италијански и англиски. Со години ги поторуваше тие два збора, но од друга страна, беше посебен и многу важен за нас. Кога не знаевме што да правиме со топката и кога натпреварот стануваше тежок, знаевме дека може да се потпреме на него. Таков беше нашиот Марио, – вели Буфон.