Буфон: Алегри е ангел во споредба со Конте

Џанлуиџи Буфон во долгото интервју за „Кориере дела Сера“ опфати голем број теми поврзани за неговата играчка кариера, во која покрај тоа што соработуваше со огромен број фудбалски ѕвезди, беше трениран и од неколку врвни стручњаци.

Обидувајќи се да ги истакне најдобрите тренери, актуелниот директор на италијанската репрезентација ги именуваше Скала, Капело, Анчелоти, Конте и Алегри, со тоа што направи и интересна паралела за последните двајца.

– Имав среќа да соработувам со многу врвни имиња. Имав началници како Скала, Капело и Конте. Тоа се тренери кои ги размрдуваат играчите. Покрај нив, имав и психолози како Анчелоти и Алегри.

– Има голема разлика во пристапот меѓу едните и другите. Се сеќавам на еден натпревар со Капело. Бев неверојатен, имав луда серија на одбрани, се враќавме и паѓавме во мечот, а после тоа ме повика во неговата соба. Ми покажа снимки од натпреварот и ми порача: Ова не е доволно добро. Бев исклучително вознемирен кога ми го кажуваше тоа.

– Во дел од кариерата се навикнав и на Конте. Со него имате страшни караници, па затоа Алегри е ангел во споредба со Конте. Пред еден натпревар со Алегри, на тактичката табла беше напишан само бројот 3. Ни порача дека сме три пати подобри од противниците, да излеземе на теренот и да победиме, – се потсетува Буфон.