Будуќност го отпушти тренерот по шокантниот пораз од Борац Чачак

Екипата на Будуќност доживеа неочекуван пораз од Борац Чачак (87-85) во АБА лигата, резултат кој директно влијаеше на нашиот шампион МЗТ Скопје кој на овој начин испадна од најсилното регионалното натпреварување.

Токму овој пораз донесе и експресна реакција од управата на Будуќност која реши да се раздели со тренерот Владимир Јовановиќ. Клубот од Подгорица и покрај многуте вложувања играше променливо во актуелнава сезона, во изминатава седмица доживеа и елиминација од Еврокупот, а тоа донесе за прекин на соработката со 49-годишниот српски стручњак.

Најдобриот црнороски тим најави дека во наредниве денови ќе бидат соопштение следните чекори, поточно ќе се знае кој ќе застане на жешкото столче во „Морача“.