Брза промена: Наместо во Прилеп, Тиквеш и Воска ќе играат во Скопје

Фудбалската Федерација на Македонија денеска напладне ги одреди градовите домаќини на бараж финалињата за Првата лига, но само неколку часа подоцона, дојде до една важна промена.

Баражот меѓу Тиквеш и Воска Спорт првично беше закажан за 22-ри мај во Прилеп, но овој натпревар сепак нема да се игра во градот под Марковите Кули.

ФФМ информираше дека поради атрактивноста на мечот и слободниот терен во Скопје, натпреварот ќе се одигра на најголемото фудбалско здание во Македонија, па по Куп финалето, на националната арена ќе се игра и еден од двата баражи.

Останатото засега останува според првичниот план, па така Скопје и Беласица треба да ги одмерат силите на Градскиот стадион во Штип.