Бруно реагираше на заминувањето на Де Хеа: Заслужи да кажеш збогум пред полн стадион

Давид Де Хеа самиот стави крај на неизвесноста околу неговиот статус во Манчестер Јунајтед, објавувајќи дека го напушта „Олд Трафорд“ и испраќајќи проштална порака до фановите на премиерлигашот.

Шпанецот ќе бара нов предизвик, а во меѓувреме неговиот досегашен соиграч Бруно Фернандеш го истакна незадоволството од начинот на кој Јунајтед го реши ова прашање.

Португалецот се огласи преку Инстаграм, потенцирајќи дека Де Хеа заслужил поинакво простување со клубот во кој настапуваше 12 години.

– Заслужи да кажеш збогум на стадионот полн со навивачи, кои ќе ти заблагодарат за убавите спомени.

– Создаде историја во клубот и твоето име никогаш нема да биде заборавено и тоа никој не може да ти го одземе, – напиша Бруно во своите пораки упатени до Де Хеа.