Брукс доби техничка за исмевање противнички играч, Њујорк не го искористи блесокот на Рендл (Видео)

Мемфис ја продолжи победничката серија во НБА, триумфирајќи против Далас, кој не успеа да го изненади фаворитот без Лука Дончиќ во тимот.

Гризлис победија со 112:108, на натпревар на кој најдобар поединец кај домаќините бил Џексон со 28 поени, додека во противничкиот тим, Ирвинг стигнал до истиот ефект.

Дуелот беше одбележан и со техничката грешка на Дилон Брукс, вкупно осумнаесетта сезонава за играчот на Мемфис.

Брукс се потсмевал со Пинсон од редовите на Далас, гестикулирајќи му дека е „чирлидерка“, а подоцна објаснил дека клупата на Далас не ги почитувала правилата.

– Типот требаше да седи, а стоеше покрај клупата. Сакав да му дадам до знаење дека е обична навивачка, – изјавил арогантниот Брукс.

Индивидуален ефект за паметење имаше Џулиус Рендл, кој постигна 57 поени за Њујорк, но неговиот тим загуби од Минесота.