Бриж доби контроверзен пенал за победа против Аталанта (Видео)

Клуб Бриж оствари важна победа над Аталанта (2:1) во првото соочување на овие две екипи во плејофот во Лигата на шампионите, а гостите сметаат дека се сериозно оштетени во самиот финиш на средбата.

Белгискиот состав доби пенал во судиското надополнување, откако Хиен се чини без намера го закачи по лицето Нилсен, а главниот судија покажа на белата точка.

Нилсен го претвори пеналот во предност од 2:1 и победа, а гостите и покрај незадоволството, ќе мора да бркаат победа со поголема разлика на реваншот во Бергамо.

Претходно, Југтла во 7. минута донесе прва предност за Бриж, а во вториот дел Пашалиќ израмни за италијанскиот претставник.

Главен судија на натпреварот беше Турчинот Халил Умут Мелер.