Поврзете се со нас

Формула 1

Бривио официјално го замени Мото ГП со Формула 1 и ќе го води тимот на Алпин

Објавено

на

blank

Ребрендираниот Формула 1 тим на Рено кој во новата сезона ќе го носи името на автомобилскиот бренд Алпин, денеска официјално го потврди ангажманот на Давиде Бривио.

Италијанецот е поставен за нов спортски директор на тимот и во раководната хиерархија ќе му одговара на новиот извршен директор Лорен Роси.

Пристигнувањето на Бривио во Формула 1 е посебно интересно бидејќи тој го изгради своето реноме во Мото ГП, каде последната сезона го предводеше тимот на Сузуки, кој ја освои титулата предводен од Жоан Мир. Не помалку важно, Бривио е познат како архитект на успесите на Валентино Роси со Јамаха, а соработуваше со Италијанецот и во Дукати.

Сега Бривио ќе се обиде да го одведе Алпин кон врвот на Формула 1, а засега не е познато кој ќе биде нов тимски шеф. Заминувањето на Сирил Абитебул го испразни ова место, а шпекулациите се дека позицијата е резервирана за Марсин Будковски.

Алпин ќе има и нов возачки тандем во 2021 година, а ќе го сочинуваат Естебан Окон и Фернандо Алонсо.

Реклама
Реклама
Реклама

Популарни