Брестовац го објави поширокиот список за дуелите со Финска и Швајцарија (Фото)

Селекторот Данило Брестовац го објави поширокиот список на играчи за претстојните два квалификациски меча за Европското првенство во 2022-ра година, најпрво против селекцијата на Финска, а потоа и против Швајцарија.

Во првичниот долг список кој го состави Брестовац, се најдоа голем број познати имиња кои редовно ја претставуаат нашата најсилна селекција на најголемите собири, но има и многу млади ракометари од домашното првенство.

Поширокиот список нуди новајлии од редовите на Работнички, Пролет и Еурофарм Пелистер 2, но прашање е кои од нив ќе го преживаат кратењето кое сигурно ќе следи.

Првиот натпревар против Финска го играме на 4-ти ноември, додека со Швајцарија играме три дена подоцна во градот Цуг.