Брера го раскина договорот со Сисе и го врати Малески во Струга (Фото)

Брера Струмица е најактивен клуб во оваа прва фаза од зимскиот преоден рок, период кој традиционално се користи за да се создадат најдобри услови за вториот дел од сезоната.

Струмичкиот клуб досега го врати Даниел Миловановиќ и се раздели со капитенот Марио Врдољак, а денеска излезе со вест за две нови заминувања од првиот тим.

Брера Струмица информираше дека предвреме му е раскинат договорот на летното засилување Папа Оумар Сисе, додека во актуелниот шампион Струга го враќа и Христијан Малески.

– 21 годишниот напаѓач Папа Оумар Сисе од Сенегал кој во редовите на Брера Струмица дојде летово , нема да настапува за нашиот тим во продолжението на првенството. Управата на клубот и Сисе се договорија и одлучија спогодбено да го раскинат договорот за неговиот ангажман кај нас. Сисе во нашиот клуб дојде во јули, месец дена пред стартот на првенството од италијанскиот клуб Авецано. Во есенскиот дел од првенството за нашиот сениорски состав имаше 14 настапи при што беше асистент на гол во дуелот со Струга ТЉ.

– Парлалено ја информираме јавноста дека истече договорот со фудбалерот Христијан Малески кој беше на позајмица во клубот. Тој се враќа повторно во Струга Трим Љум, од каде летово дојде во нашите редови. 21 годишниот Малески во дресот на Брера доби шанса на 10 првенствени меча при што постигна гол во мечот со Тиквеш од Кавадарци. Упатуваме благодарност до Малески и Сисе кои беа дел од нашиот состав и за нивниот професионален однос и им посакуаме многу успех во понатамошната кариера.