Брентфорд постави уникатен рекорд кој тешко дека некој ќе го урне во Премиер лигата (Видео)

Брентфорд не запиша ниту една победа на последните три меча во Премиер лигата, но затоа успеа да оствари еден неверојатен и уникатен рекорд, кој тешко дека ќе биде урнат во блиска иднина.

Избраниците на Томас Франк имаа тешки задачи против Манчестер Сити и Тотенхем во претходните две рунди и претрпеа порази, додека вчера освоија бод во пресметката со Вест Хем.

Интересно, Брентфорд успеа да постигне гол во првата минута и против „чеканите“, а бидејќи тоа го направи и против Сити и Тотенхем, „пчелите“ испишаа англиска историја.

Брентфорд е првиот тим во историјата кој постигнал гол во првата минута на три последователни меча, што јасно покажува дека момците на Франк се специјалисти за игра во првите 60 секунди.

Мбеумо постигна гол за 23 и за 37 секунди против Тотенхем и Вест Хем, додека на Виса му требаа 22 секунди за да погоди против Сити.