Бремер настрада од Кеан, па го поздрави екс-капитенот на Јувентус: Извини, Кјелини…

Глејсон Бремер вчера водеше жестоки дуели со фудбалерите на својот поранешен клуб Торино и е еден од најзаслужните што Јувентус го доби градското дерби во рамките на Серија А.

Бразилецот уште некој период ќе го „чувствува“ натпреварот на своја кожа, бидејќи заработи незгоден удар во лицето од својот соиграч Моисе Кеан, во акцијата која на крајот заврши со гол на Федерико Гати.

Лекарскиот тим на Јувентус мораше да реагира со фластер на лицето на дефанзивецот, но и со таканаречениот „турбан“, кој во минатото беше заштитен знак на екс капитенот Џорџо Кјелини.

По натпреварот, Бремер преку социјалните мрежи ја прослави големата победа, но испрати порака и до Кјелини.

– Извини Кјелини, морав да го позајмам, – напиша Бремер, покрај фотографијата на која ја носи „дополнителната опрема“.

#Bremer ✍️ su #IG:

“Scusa @chiellini , l’ho preso in prestito”.

Il 3 ⚪⚫ di turbante vestito, grande classico per grandi lottatori. #Juventus pic.twitter.com/M4yzLJIkAc

— Dario Pellegrini (@dariopelle3) October 7, 2023