Брегалница донесе играч за врска од Белгија (ВИДЕО)

Брегалница продолжува да го составува тимот за натпреварувачката 2022/2023, а најновото засилување доаѓа од Белгија.

Тоа е 26-годишниот Фајсел Касми кој е централен играч за врска, играч кој во минатото има настапувано за Стандард од Лиеж. Во неговата биографија се уште Лирс, Жерминал Бершот, Жил, Висе, Омонија, Черно Море и Дофар од Оман од каде воедно доаѓа во Македонија.

-Доаѓам во Македонија со отворена желба, со сето мое интернационално искуство да допринесам Брегалница да дојде до посакуваните цели и амбиции. Многу слушав за овој клуб пред да дојдам, знам дека има и максимално верни навивачи кои секогаш се со клубот, и за мене навистина ќе биде чест да го носам синиот дрес, -порача Касмани кој се обврза на договор до 2024 година.

Пред него македонскиот прволигаш ги ангажираше Горан Силјановски, Ѓорѓи Ѓорѓиев, Александер Борха Кордоба и голманот Немања Шчекиќ.