Бразилецот „украде“ магија од „Ил Феномено“: Реал со оригинална преработка го збогати ремек-делото на Родриго (Видео)

Реал Мадрид се пласираше во полуфиналето на Копа дел Реј со пресврт-победата остварена над градскиот ривал Атлетико, која беше најавена со едно ремек-дело од „џокерот“ на Карло Анчелоти.

Родриго влезе во игра и режираше фудбалска мајсторија со мини-слалом во одбраната на Атлетико, а мајсторијата која ја изведе донесе и една оригинална преработка од страна на Реал Мадрид.

За време на Светското првенство, Родриго при едно интеврју се обиде да „украде“ дел од магијата на легендарниот „Ил Феномено“, па сега тоа видео послужи за уникатна преработка.

Голот кој го постигна Родриго против Атлетико дефинитивно потсети на движењата на неповторливиот Роналдо, а најдобар доказ за тоа е и видеото кое го сподели официјалниот профил на Реал.

Овој погодок на Родриго донесе израмнување на 1:1, а потоа Реал славеше со 3:1 во дополнителните 30 минути игра.

🪄🇧🇷 Brazilian magic! @RodrygoGoes 🤜🤛 @Ronaldo pic.twitter.com/qb1H6ebHji

— Real Madrid C.F. 🇬🇧🇺🇸 (@realmadriden) January 27, 2023