Бразилецот без влакна на јазикот: Ромарио со вулгарни зборови се огласи за „случајот Анчелоти“

Ромарио е фудаблска легенда од Бразил која во 90-тите години на минатиот век важеше за еден од најдобрите напаѓачи во светот, но во последно време се повеќе е актуелен во родната земја поради своите политички активности.

Поранешниот напаѓач на Барселона загуби одреден дел од своите фанови поради политичката определба, но тоа не прави да биде актуелен во јавноста и поради мислењата кои ги дава на фудбалски теми.

Во Бразил веќе неколку месеци главна тема е Карло Анчелоти и неговото евентуално пристигнување по крајот на актуелната сезона, но на Ромарио му се здосади од таа приказна и сега распали по Италијанецот.

Ромарио не бираше зборови за да го искаже незадоволството, но не заборави да нагласи дека максимално стои зад актуелниот привремен селектор, кој верува дека ќе биде поставен и на долг рок.

– Нека се е.е Анечелоти! Го сакам Диниз во репрезентацијата и стојам апсолутно зад него, – изјавил денеска Ромарио во родниот Бразил, сето тоа како реакција на одолговлекувањето од Анчелоти околу давање конкретен одговор на бразилската Федерација.