Бразилец стана прв активен АТП играч кој „потврди“ дека е хомосексуалец

До денеска малкумина што ги следат тениските случувања имаа слушнато за Жоао Лукаш Реиш да Силва, но тоа ќе се промени поради потегот на бразилскиот тенисер.

Тенисерот кој во моментов се наоѓа на 367 место на АТП ранкингот излезе со отворено признание дека е хомосексуалец и стана прв активен играч кој направил такво нешто во историјата на овој спорт.

Да Силва решил храбро да се соочи со очекуваните предрасуди и негативни коментари на негова сметка, со што веројатно ќе охрабри и други тенисери и спортисти да го следат неговиот чекор.

Бразилецот не ја открил својата сексуална ориентација со директно признание, туку објавувајќи фотографија со која му честиташе јубилеј на својот партнер.

– Среќен јубилеј, те сакам многу, – напишал Да Силва во описот на фотографијата.

Joao Lucas Reis Da Silva comes out as the first gay male tennis player (I think)

Holger Rune no longer has to hide ❤️ pic.twitter.com/QupLNKr2Gs

— Zhang Shuai of Gambling (@mseprops) December 9, 2024

Бразилскиот тенисер минатата година стигна на прагот на Топ 200 на АТП ранкингот, а веќе има освоено три ИТФ титули.