Бравурата на „Кварадона“ од вистински агол: Мартинез немоќен, Дисаси едвај се додржа на нозе (Видео)

Квича Кварацхелија инсистираше да направи трансфер во ПСЖ на средина на сезоната и во прв момент малкумина можеа да го сфатат тоа, но после три месеци во Париз, навивачите на францускиот шампион веќе се заљубени во грузискиот фудбалски мајстор.

ПСЖ вчера славеше со пресврт против Астон Вила и си го трасираше патот кон полуфинале во Лигата на шампионите, а најдобар играч на мечот беше токму Кварацхелија.

Квича го доби МВП признанието од УЕФА по крајот на мечот кој заврши 3:1, награда која дефинитивно ја заслужи поради прикажаното на теренот, но и поради евроголот кој го постигна за 2:1.

Човекот кој го доби прекарот „Кварадона“ во Неапол со соло-акцијат потсети на славниот Дон Диего Марадона, а мајсторскиот гол бил „уловен“ и од вистински агол од трибината.

Еден фан на ПСЖ презентираше уникатен агол од фудбалската мајсторија која ја режираше Кварацхелија, а по која Дисаси едвај се додржа на нозе.

Елегантното движење и перфектната завршница на Кварацхелија со послабата лева нога го прават овој погодок кандидат за гол на сезоната, бидејќи мора да се нагласи дека се изгледаше совршено во целата акција.

Kvaraaa🤯🤯#PSGAVFC #kvara #kvaratskhelia pic.twitter.com/uiUCA7KULn

— Samcro (@kirua934) April 9, 2025