Браун посочи зошто Јунајтед треба да го ангажира Санчо: Тој е како Роналдо, ќе му донесе на клубот…

Поранешниот англиски репрезентативец и екс член на Манчестер Јунајтед, Вес Браун даде свој коментар за можноста Џејдон Санчо да се пресели на „Олд Трафорд“.

Санчо е еден од најдобрите млади англиски фудбалери кој игра извонредно во дресот на Борусија Дортмунд, партии со кои го привлече интересот на јавноста, клубовите со тоа што Јунајтед дефинитивно е најзагреан за да го донесе во своите редови.

Браун има високо мислење за Санчо и притоа го спореди со Кристијано Роналдо.

-Талент и возбуда. Ни треба некој таков во клубот. Ги имавме низ годините и сигурен сум дека ако го потпишеме ќе ја врати таа возбуда во клубот. Би било добро и за тимот. Имавме такви играчи во минатото како Кристијано Роналдо.

-Тоа е тип на играч кој повлекува три или четворица дефанзивци и ја прави играта полесна за останатите играчи. Ако тоа го направиме ќе биде брилијантно засилување, -истакна Браун.