Бове не сакаше маички во негова чест, па соиграчите му се обратија со банер од теренот (Фото)

Играчите на Фиорентина излегоа на теренот четири дена по шокантните сцени на „Артемио Франки“, но спомените од колапсот на Едоардо Бове очигледно се уште беа свежи и влијаеа врз играта на тимот кој го води Паладино.

„Виолетовите“ неочекувано претрпеа елиминација во Копа Италија од локалниот ривал Емполи, откако гостите успеаја да извлечат 2:2, а потоа да бидат поуспешни во пенал рулетот.

Сосема очекувано, фудбалскиот декор на трибините беше во чест на Бове кој се уште е на интензивна нега и се рехабилитира од претрпениот шок, но по негово барање, соиграчите од првиот тим не излегоа на теренот со стандардни маички за искажување поддршка.

Бове не сакал да биде во прв план и побарал од играчите и од клубот да не се печатат маички во негова често, па затоа првотимците на Фиорентина решија да излезат на теренот со банер на кој сепак имаа порака за својот сакан Едо.

– Не сакаше маика, па еве банер за тебе. Едо, те чекаме тука, – му порачаа играчите на Фиорентина.

Инаку, кореографија во чест на Бове подготвија и страствените тифози на Фиорентина, кои на главната трибина го потенцираа бројот „4“ во боите на клубот.

INSIEME💜#fiorentinaempoli #coppaitalia #forzaviola pic.twitter.com/S4w7ETh0CI

— ACF Fiorentina (@acffiorentina) December 4, 2024