Бове донел одлука, утре ќе му имплантираат дефибрилатор

Срцевиот застој направи Едоардо Бове да колабира на теренот за време на натпреварот меѓу Фиорентина и Интер, момент кој ги потсети фудбалските фанови на низа траорни моменти кои се случија во последните неколку години.

Младиот играч за врска се струполи на земјата и буквално беше враќан во живот од лекарите на теренот, а потоа доби специјална медицинска нега во болница и успеа да се извлече од опасноста.

Бове веќе десетти ден е во Кареџи болницата во Фиренца, но планот е да остане уште неколку дена откако доцна вечерва му била закажана интервенција.

Како што јавуваат најугледните италијански медиуми, Бове се согласил да му биде вграден дефибрилатор за следење на срцевиот ритам, но постои опција истиот да се острани во консултација со лекарите.

Играчот на Фиорентина инсистирал на вградување на отстранлив дефибрилатор за да си даде шанса да остане да игра во Италија, бидејќи ако се одлучи за траен дефибрилатор во своето тело, неговата кариера во италијанската елита и официјално ќе заврши.

Според проценките, по утрешниот зафат Бове ќе може да биде отпуштен од 12-ти до 14-ти декември на домашно лекување, а после неколку недели ќе треба да донесе дали ќе го извади дефибрилаторот, или ќе игра со траен дефибрилатор како што тоа го прават Ериксен и Блинд веќе неколку години (опција која се дозволува во другите европски лиги, но не и во Италија).