Боуен со 50. премиерлигашки гол му пресуди на Арсенал на „Емирејтс“ (ВИДЕО)

Арсенал доживеа пораз од лондонскиот ривал Вест Хем (1-0) и направи голем исчекор назад во борбата за титулата во Премиер лигата.

И покрај сите проблеми во офанзивната линија, „топчиите“ имаа статус на големи фаворити на овој меч, но тоа не го оправдаа и со тоа едноставно се види колку фалат Хаверц, Жезус, Сака и Мартинели. Домашниот тим упати дури 20 удари кон голот на „чеканите“, ама само два од нив беа во рамките на истиот што беше недоволно да се матира Ареола.

Клучниот момент се случи во 44 минута кога Боуен со својот 50. премиерлигашки гол му пресуди на Арсенал на „Емирејтс“. (ОВДЕ можете да го погледнете).

Четата на Артета има осум бода помалку од лидерот Ливерпул на 12. кола до крајот на шампионатот.

Убедливи на гостински терен пак беа Тотенхем и Брајтон против Ипсвич (4-1) и Саутемптон (4-0), „волците“ го изненадија Борнмут со 1-0, додека Кристал Палас го надигра Фулам со 2-0.