Формула 1
Ботас: Оние што не се разбираат во Ф1 мислат дека сум идиот!
Џорџ Расел беше најголем губитник на трката за Големата награда на Сакир, бидејќи и во ситуација кога успеа да ја надмине и да ја поправи огромната грешка која ја направија луѓето во Мерцедес, го снајде неверојатен малер кога му пукна гумата во моментите кога беше втор и се обидуваше да го престигне Чеко Перез кој подоцна победи.
Поради новото влегување во бокс, Расел на крајот заврши само 9-ти и неговото деби во Мерцедес се претвори во очај, но како за утеха, беше избран за возач на денот од страна на фановите на Формула 1 кои останаа импресионирани од изданието на младиот Британец кој го менуваше својот сонародник Луис Хамилтон.
Ако Расел беше најголем губитник, Валтери Ботас дефинитивно е возачот кој останува најпотценет од фановите и експертите по вчерашната трка, бидејќи Финецот кој знаеше дека ќе биде под голем притисок, на крајот потпадна под истиот и остана во сенка на возачот кој првпат возеше болид на Мерцедес.
– За оние кои не се разбираат во Формула 1, во нивните очи сум идиот и глупак, а тоа не е добро за мене. Сепак, оние што го разбираат овој спорт, знаат што ми се случи и дека крајниот резултат можеше да биде многу поинаков. Ова беше многу лоша трка за мене, а од таа гледна точка, за обичните луѓе е многу лесно да зборуваат дека дошло ново момче и го победи возачот кој со години го вози тој болид. Вистината е дека оваа ситуација не беше идеална за мене, но грешката не е моја, – изјави Ботас, кој се жали дека му биле ставени извозени и искористени пневматици при последното влегување во бокс.
– Навистина тешко е да се објасни чувството кога влегувате во боксот и излегуваш со исти гуми, само постари од тие со кои си влегол. Потоа губиш позиции на патеката, ништо чудно. Ова беше огромна грешка на тимот и сигурен сум дека ќе се анлизира и ќе се научи од истата, – се надополни Ботас кој заврши осми на крајот.
-
Англијапред 20 часа
Карагер откри за кого ќе навива во дербито: Ако Арсенал…
-
АТПпред 7 часа
Димитров повторно го надигра Алкарас и обезбеди полуфинале во Мајами (ВИДЕО)
-
Италијапред 20 часа
Интер ќе ја промени стратегијата со Инѕаги
-
Евролигапред 18 часа
Како навивачите на Партизан го дочекаа Кукоч во Белград (ВИДЕО)
-
НБАпред 23 часа
Играч на Филаделфија не доби фаул во нападот за победа, па режираше луда сцена со судиите (Видео)
-
Германијапред 19 часа
Хенес знае кој клуб ќе го води Алонсо во наредната сезона
-
Евролигапред 9 часа
Неверојатно: Де Коло го постигна најлудиот кош во оваа сезона во Евролигата (ВИДЕО)
-
Евролигапред 21 час
Верува во Партизан: Ѓоковиќ посочи кои екипи ќе се пласираат на завршниот турнир во Евролигата