Бостон ја продолжи победничката серија во пресметките со Денвер

Бостон не дозволи втор натпревар по ред да испушти голема предност и славеше против Денвер (110:103) во првиот натпревар од неделната програма во НБА лигата.

Домаќините одлично го започнаа натпреварот и брзо стигнаа до солидна предност во дуелот со втората екипа на Западот, за пред полувремето да стигнат до плус 20.

Денвер почна да ја топи негативата уште пред полувремето, во последниот период се приближи на минус четири, но не успеа да направи пресврт во „Ти-Ди Гарден“.

Бостон ја прекина серијата од два пораза по ред, а сезонава четири пати успеа да го победи Денвер во првенството.

Браун со 22 поени беше најдобар реализатор во редовите на победничката екипа, додека Никола Јокиќ повторно остана на асистенција до трипл-дабл.

Српскиот центар реализираше 20 поени, со 14 скокови и 9 асистенции, а најефикасни кај Денвер беа Мареј со 26 и Браун со 24 поени.