Борусија се изнакупи играчи, донесе одлична алтернатива за Халанд

Од таборот на Борусија Дортмунд се изнакупија играчи во летниот преоден рок и следната сезона ќе имаат доста променет тим.

Последните информации кои стигнуваат од Германија говорат дека веќе е комплетиран и трансферот на Себастијан Алер кој треба да пристигне како директна замена за Ерлинг Халанд кој реализираше трансфер во Манчестер Сити.

Алер ќе пристигне на „Сигнал Идуна Парк“ во трансфер вреден 35 милиони евра колку што ќе добие Ајакс за неговиот договор.

Личните услови играчот веќе ги договорил со Борусија, а сега на ред се медицинските прегледи и официјалното потпишување на договорот, нешто што се очекува да биде само формалност.

Халер ќе биде шестото засилување на Борусија Дортмунд за оваа сезона. „Милионерите“ претходно ги ангажираа и Шлотербек, Зиле, Адејеми, Браф и Озчан.