Борусија испрати јасна порака до Барселона откако и го загорче животот на „Сигнал Идуна парк“ (Фото)

Борусија Дортмунд даде се од себе и со херојско издание се прости од Лигата на шампионите, претстава со која само потврди дека неслучајно беше актуелен вицешампион на Европа.

Германскиот тим одигра фајтерски во пресметката против фаворизираната Барселона и успеа целосно да ја анулира блескавата игра на каталонскиот гигант, но сепак победата од 3:1 не беше доволна за пласман во полуфиналето.

Тешкиот пораз од 4:0 на гостувањето на „Монжуик“ им пресуди на „милионерите“, но бидејќи двата тима се разделија во многу добро расположение на теренот, имаше позитивно „трето полувреме“ и на социјалните мрежи.

Барселона преку официјална порака и порача на Борусија дека била извонреден ривал и дека со храбрата игра им ги отежнале работите на реваншот, по што следеше краток одговор од спротивната страна.

– Освоете го натпреварувањето!

Go win this thing 🤝

— Borussia Dortmund (@BlackYellow) April 15, 2025