Борусија Дортмунд ќе се обиде да задржи една ѕвезда со ангажирање на неговиот брат

Борусија Дортмунд посакува што подолго да го задржи во своите редови англискиот интернационалец Џад Белингам, а за таа цел ќе направи и интересен потег.

Германските медиуми тврдат дека Борусија ќе го ангажира братот на Џад, Џоб Белингам, со цел да го убеди фудбалерот со голем потенцијал на подолго останување во Дортмунд.

Белингам веќе покажа со каков квалитет поседува, стигна и до англиската репрезентација, па премиерлигашите веќе се застанати во ред во преговорите со неговиот агент за евентуален трансфер уште во 2022 година.

„Билд“ тврди дека бундеслигашот веќе започнал преговори со помладиот брат Џоб, како начин да го задржи Џад на подолг период во Германија.

Џоб има 16 години и исто така настапува за Бирмингем, но се уште не стигнал до настап за првиот тим. Белингам постариот има договор со Борусија до 2025 година.