Борнмут го потопи Јунајтед на „Олд Трафорд“, Челси не успеа да го пробие бедемот на Евертон (Видео)

Фановите на Манчестер Јунајтед бргу ја заборавија големата победа во градското дерби со шампионот Сити, бидејќи во меѓувреме нивните миленици повторно врзаа два пораза.

По тој во Карабао купот од Тотенхем, денеска Јунајтед доживеа уште понепријатен пораз, на домашен терен од Борнмут (0:3).

Хујсен го отвори резултатот по нафрлување од корнер во првото полувреме, Клајверт зголеми од пенал во вториот дел, а конечните 0:3 ги постави Семењо во 63. минута и најави нови главоболки за менаџерот Рубен Аморим.

Челси не успеа да го совлада Евертон на „Гудисон Парк“, на натпревар на кој имаше иницијатива и шанси, но не постигна гол и мора да ги прифати конечните 0:0.

Волвс славеа со убедливи 0:3 против Лестер на дебито на новиот менаџер Витор Переира, а голови немаше на соочувањето на Фулам и Саутемптон.

Манчестер Јунајтед е на 13. место на табелата со големо заостанување зад лидерот Ливерпул, додека Челси има бод помалку, но и два натпревара повеќе од „црвените“.