Борнмут доминираше, Санчес и Нкунку донесоа победа за Челси (Видео)

Борнмунт има за што да жали и играчите на Андони Ираола сигурно ќе бидат разочарани од епилогот од пресметката со Челси, бидејќи и покрај цела доминација во две третини од мечот, на крајот мораа да се помират со пораз.

Домашниот тим целосно го неутрализираше фаворитот од Лондон и испрати далеку повеќе удари кон противничкиот гол, но сепак не беше доволно умешен и прецизен во самата завршница од акциите.

Борнмут не реализираше удар од 11 метри пред крајот на првиот дел и тоа се покажа како клучен момент на натпреварот, особено поради тоа што Челси притисна и постигна гол во самиот финиш.

Санчес му го одбрани пеналот на Еванилсон во 38-та минута, Борнмут имаше уште неколку добри шанси, но прецизен во голгетерска смисла на зборот беше само Нкунку.

Напаѓачот на Челси покажа класа и извади максимум од една навидум не толку опасна ситуација во шеснаесетникот, а неговата снаодливост беше доволна за гол во 86-та минута и три бода за „лондонските сини“.

Видеото погледнете го ТУКА