Борко покажа одличен спортски дух и му ја честиташе титулата на Пелистер: Треба да се биде искрен и чесен…. (Фото)

Борко Ристовски речиси на секој натпревар има вербални пресметки со навивачите од Битола и често знае да биде мета на нивните транспаренти, но сепак искусниот чувар на мрежата покажа класа откако Вардар и дефинитивно остана без титула.

Најтрофејниот македонски клуб вчера киксираше во Кавадарци и остана без теоретски шанси за одбрана на титулата во домашното првенство, нешто што можеше да се насети уште по дерби поразот во „Боро Чурлевски“.

Еурофарм Пелистер од вчера и официјално е нов ракометен првак на Македонија, а една од првите честитки интересно ги испрати токму голманот на Вардар.

Борко покажа завиден спортски дух и испрати порака преку социјалните мрежи, заклучувајќи дека Пелистер е заслужено на врвот оваа сезона.

– Треба да се биде чесен и искрен и да се честита за освоената титула во првенството. Заслужено, – порача Борко.